Tuesday, December 30, 2008

AureVoir 2008 :*

كالمعتاد ..بنهاية كل سنة .. نقعد نتذكر ما انجزناه من العام الماضي !! و شنو راح ننجز بجدولنا في العام المقبل
!
طبعا الكل يتمنى ان يحقق كل امنياته .. يا بالاقتصاد ..
او من ناحية الرياضة ..و فقد الاوزان اكيد بالنسبة حق معظم البنات لووول !
الحمدالله الف الف ان ما عندي هالمشكلة ويع الله يحفظني تف تف تف تف قوولي مشالله !! p:
او من ناحية العمل !! ارضاء المسؤول او تحقيق منصب معين !
او من الناحية الاجتماعية .. اكيد اللي وده و يخطط حق عياله و بيته او زوجته و اليهال :)
بالنسبة لي .. سنة 2008 كانت متروووووسة مشالله شي مو طبيعي!
من شي ورا شي !
احلى الاحداث .. لما اختي ولدت بنتها الزغنووووونة الله يحفظها :)
واللحين عمرها 7 أشهر اله يخليها لاهلها ..
و كنا مشتطييييين و طايرييين فيها حبيبتي نعمة من ربنا
لانها اول حفيدة بالعايلة يختي والله البنياااات
الله يرزق الجميع ..
و ما انسى احلى انجاز ديني
!!
الله بلغني بحجة بيته ! الحمدالله ! ما اصدق شلون الله سهلها مشالله
وليلحين انا باجازة الحج لووول ما بقى شي و اداوم
والكل يسأل عن الحجاااب !! لوول يا جماعة شعلاقة الحج بالحجاب ! يعني مو مرتبط ! مادري المهم مو هذا موضووعنا :)
و من ناحية دوامي ..الحمدالله حصلت على احسن التقديرات
وتوفقت في مجالي و دربت اللي بعدي من موظفين جدد
و الحمدالله العام اللي طاف ما خسرت احد لا بصداقاتي ولا من عملي الحمدالله
الله لا يجيب الزعل :)
اكيد طبعا لا بد من لحظات صعبة تمر و الحياة المتقلبة مو بيدنا لكن الحمدالله على كل حال
منها سفر احدى الصديقات للعمل فترة طويلة بالخارج :( الله يوفقها بس الحياة بدونها مملة
و غيرها من احداث يعيشها الانسان العادي
فيا جماعة سؤال الحلقة
p:
شنو أحلى حدث عشتوه في العام الماضي 2008 !؟
:)
اهـــــداء
!

Sunday, December 28, 2008

احــــــســـــــــــــــــــاس







كل سنة بهالفترة من الموسم يأتيني نفس الشعور !






الجو بارد و الاحساس واحد ..!!






اللجوء الى الدفء .. و مايدفيء القلب .. والروح ايضا !






ذات المناظر في عيني تتكرر كل عام !






و منها تلك الصور اللي التقطتها العام الماضي في ميلانو






و قبل شهرين في فينيسيا ! مدينة الحب !






Saturday, December 27, 2008

متنكرة


قد لا تعرف من أنا .. و من سأكون
اكتب و أكتب .. واخفي احيانا .. و امسح .. لكنني سأكتب و أبوح
تسميني متنكرة ؟ لا يهم ..
ما يهمني هي كلماتي .. و مشاعري ..
خليط من مشاعر ..
خليط من كلمات ..
كتلة احساس ..دافئة ..تشعر بالبرودة ..احيانا ..
و تتجدد لتعوووم من جديد .. و تتفتح كالبرعم .. وتمشي لتكمل مسيرتها بالحياة ..
الحياة ..تسمع تلك الكلمة بلغات عدة .. تكررها مرارا .. و تحبها كثيرا ..
تلعب بمشاعرها نوبات متعددة .. تقلب مشاعرها .. تعذبها .. تحبس دموعها ..
وتبوح لها .. كل ما في داخلها ..
تلك حياتها .. شاملة .. طبيعية .. لكنها متنوعة و متجددة ..
فيها الحلو و المر .. و لا يغيب عنها الحزن و الفرح ..
فهي باختصار .. مجموعة مشاعر ..
تلك هي حــــيــــــــــــــــــــــــــاتــــــــــــــي !

حان وقتي

حان وقتك الان .. للبوح و للنشر ..

كم من أيام مرت و انا اتصفح المدونات .. و اقول ...أااااه يا يليت هذا البوست كان لي لاشرح اكثر ..

لاتعمق اكثر .. لابوح اكثر .. لاقول مافي داخلي من كلمات .. من قصص .. من احداث

الوقت لم يفت .. و مازالت الايام المقبلة تحمل الكثير و الكثير ..

ربما الاحلى بإذن الله ..

و توكلت على الله لأبدأ :)