كالمعتاد ..بنهاية كل سنة .. نقعد نتذكر ما انجزناه من العام الماضي !! و شنو راح ننجز بجدولنا في العام المقبل
!
طبعا الكل يتمنى ان يحقق كل امنياته .. يا بالاقتصاد ..
او من ناحية الرياضة ..و فقد الاوزان اكيد بالنسبة حق معظم البنات لووول !
الحمدالله الف الف ان ما عندي هالمشكلة ويع الله يحفظني تف تف تف تف قوولي مشالله !! p:
او من ناحية العمل !! ارضاء المسؤول او تحقيق منصب معين !
او من الناحية الاجتماعية .. اكيد اللي وده و يخطط حق عياله و بيته او زوجته و اليهال :)
بالنسبة لي .. سنة 2008 كانت متروووووسة مشالله شي مو طبيعي!
من شي ورا شي !
احلى الاحداث .. لما اختي ولدت بنتها الزغنووووونة الله يحفظها :)
واللحين عمرها 7 أشهر اله يخليها لاهلها ..
و كنا مشتطييييين و طايرييين فيها حبيبتي نعمة من ربنا
لانها اول حفيدة بالعايلة يختي والله البنياااات
الله يرزق الجميع ..
و ما انسى احلى انجاز ديني
!!
الله بلغني بحجة بيته ! الحمدالله ! ما اصدق شلون الله سهلها مشالله
وليلحين انا باجازة الحج لووول ما بقى شي و اداوم
والكل يسأل عن الحجاااب !! لوول يا جماعة شعلاقة الحج بالحجاب ! يعني مو مرتبط ! مادري المهم مو هذا موضووعنا :)
و من ناحية دوامي ..الحمدالله حصلت على احسن التقديرات
وتوفقت في مجالي و دربت اللي بعدي من موظفين جدد
و الحمدالله العام اللي طاف ما خسرت احد لا بصداقاتي ولا من عملي الحمدالله
الله لا يجيب الزعل :)
اكيد طبعا لا بد من لحظات صعبة تمر و الحياة المتقلبة مو بيدنا لكن الحمدالله على كل حال
منها سفر احدى الصديقات للعمل فترة طويلة بالخارج :( الله يوفقها بس الحياة بدونها مملة
و غيرها من احداث يعيشها الانسان العادي
فيا جماعة سؤال الحلقة
p:
شنو أحلى حدث عشتوه في العام الماضي 2008 !؟
:)
اهـــــداء
!
11 comments:
كل عام وانتي بالف خير
وان شاءالله اشووفج متحجبه
من الحين اتخيل الحجاب عليج يننن
وصرااحه قاعده اشووف انجازات تينن وتفرح القلب لكل مدون
منها للأعلى ان شاءالله
وبالنسبه لأهم انجاز سويته
حجيت وكملت دراستي العليا :))
كل سنه وانتي طيبه ,اللهم لك الحمد كل ايام السنه كانت كريمه معاي وطيبه و على الأيام الشينه هم الحمدلله على كل حال واتصور كانت افضل من 2007 بس لوما هل إنهيار الإقتصادي و موضوع غزه الله اعينهم، بس الحمدلله لك الحمد يارب
عسى الله يدوم عليج هالنعمة ان شاء الله ..
ويجعل سنة 2009 احسن وافضل من الي قبلها ..
وموفقه ان شاء الله بحياتج ..
اسمحيلي احتفظ باجمل حدث :)
وتحياتي ..
ويسلموااااااااااااااااااااا :)
swan.beach: مشكورة على المرور و ماقصرتي .. و احمدالله انجازاتج الدينية و الدراسية حلوة :) حياك الله
cozy: ايييي اكيد افضل من 2007 الحمدالله على كل حال :) و مشكووور عالتعليق .
Q8EL5AIR: اسمحلك تحتفظ ;) اهم شي ان يكون شي مفرح و موفق .. مشكوور ياالخير :)
مساج الله بالخير اخيتي كادي
و كل عام وانتي و العايلة بخير
ومثل ما كان عام 2008 حافل بالنسبة لج
اتمنى ان العام 2009 يكون هم حافل لج بالخير
بالنسبة لي مرت علي واااايد احداث
ضحكت وايد .. و هم عيوني شافت الدموع
بس اللي فرحني اكثر شي .. هو شفاء اعز الناس لي من المرض
والله يتمم عليه و يرجع له المرض
قولي آمين
:)
اي تذكرت
:)
يبة الحجاب شي بينج و بين ربج
ما عليج من أحد
متى ما حسيتي ان ودج اتحجبين ..اوكي
عمر ما كان الحجاب دليل على سنع البنت و تدينها
هذي نصيحتي و انا اخوج
عاد الله يستر ولا يشبون على اخوانا المطاوعة
:)
اول شي
اتمنى ان يكون عام خير لك و للكويت و اهلها
ثاني شي احلى حدث
هو كان الولد الثاني احمدوه ابو خدود
عثماني : ماقصرت والله امييين انشالله كلما تمر علينا بسعادة وخير .. و اكييييد على الحجاب لوول لا اكيد القناعة و النية لا بد تكون موجودة مو لعب اهوة ..بس تدري الناس فاضية تحب تطالع غيرها ! مشكوور مرة ثانية ..
enter-q8
يختي والله على بوخدووود الله يحفظه و يخليييه انشالله و يصير ريال :) شكرا
تصدقين كادي عاد تونا لما دشينا السنة اليديدة قاعدة اقول حق نفسي "بيييه يا 2008 و الله و كنتي سنة الإنجازات"
:p
صج 2008 وايد اشياء كنت احلم اني انجزها و سويتها الحمدلله يا رب .. و انشالله 2009 تكون سنة خير علينا و نكمل انجازاتنا و نحقق كل الي نبيه
موفقة عمري ^.^
تستاهلين كل خير كادى
وتقبل الله طاعتك
ولو متأخرة
والحجاب قناعة شخصية
بس أنا معاه لأنه يعطى سحر للأنثى
ويكون سور لها من العيون الزايغة
والله سنة 2008 سنة تعور القلب
فقدت فيها كثير احباب
بس الحمدلله على كل شي
شكرااا كادى
وكل عام وانتى بخير
وبس
بابل
Pure: حبيبتي اجمعين على الكل انشالله !
اي والله بسرعة طارت و احسها كانت مترووووسة احداث ! ما قصرتي عالمروور :)
بابل : يا انت يا سور اعجبتني الكلمة والله :) وجهة نظر حلوة .. وماعليه هذي الدنيا لازم تعور قلبنا ! عساها اخر ايام احزان انشالله ..
Post a Comment